Visita a SOGAMA

Este venres o alumnado de 4º de Primaria xunto cas nosas titoras fomos visitar ás instalacións de Sogama no concello de Cerceda. Explicáronnos o que sucedía co lixo dende que entraba en camións ou en trens hasta que unha vez clasificado e comprimido aproveitábase para xerar enerxía eléctrica ou vendíase para darlle outro uso. Despois visitamos o xardín botánico e a aula da natureza guiados por Mª Carmen.

Horto no patio do cole.

   O ter un composteiro no cole foi a gota que colmou o vasiño das ganas que tiñamos de ter o noso propio horto. Animámonos e.... valeu máis que a pena, pouco a pouco vamos vendo os progresos e coma non... témolo que coidar con moito agarimo!

Separadores para a biblioteca

Na aula de 1ºA decicimos que sería unha boa idea reciclar as caixas dos folios que empregamos no colexio para imprimir dándolle unha nova utilidade. Neste caso, elaboramos uns separadores para empregar na biblioteca. A idea consiste en deixar o separador no lugar do libro antes de retiralo do estante no que está, así cando devolvamos os libros saberemos o lugar exacto onde estaba. Cada alumno/a decorou o seu separador incluíndo en todo caso o seu nome para poder diferencialos. O cartón ao ser un material duro e groso poderá durarnos moito tempo e, así, evitamos usar outro tipo de material máis endeble que precise ser plastificado. Deste xeito, contribuímos a reducir o uso do plástico.

 

Medios de transporte

A rapazada do colexio de Outes non para de sorprendernos! Nesta nova entrega o alumnado de 1ºA de educación primaria elaborou con material de refugallo diferentes medios de transporte para viaxar por mar e aire.

Manuel Outón Cernadas deslumbrounos co seu cohete espacial para viaxar a Lúa, o satélite dos 28 días. Martín Castro Fernández elaborou unha barca cunha única botella de plástico. Andrea Creo Tomé impresionounos coa súa nave espacial feita de cartón, plástico e papel. Por útlimo, Gabriel Amado García elaborou un impresinonante barco vikingo, que de seguro nos servirá para desembarcar na próxima festa vikinga de Catoira.

Este é un exemplo de como as xeracións máis novas van tomando conciencia da regra dos tres erres: reducir, reutilizar e reciclar. Parabéns polo traballo realizado!

Presentamonos a concursos de debuxos.

   Chegounos información de outros 2 concursos onde a creatividade e a concienciación co coidado do medio ambiente no referente o lixo que xeramos van da man e non queremos desaproveitar esta ocasión para traballar o tema da reducción, reutilización, reciclaxe e economía circular co noso alumnado.

* Dentro das accións de sensibilización cara á cidadanía para a redución do consumo de bolsas de plástico dun só uso, a Consellería de Medio Ambiente, Territorio e Vivenda da Xunta de Galicia convocou un concurso para elixir o deseño de bolsas de merenda escolares confeccionadas con tea.

Clica aquí para obter máis información.

* A Consellería de Medio Ambiente, Territorio e Vivenda lanza un concurso de debuxo para concienciar aos escolares galegos sobre a reciclaxe dos aparellos electrónicos, tanto para garantir a saúde do planteta como pola nosa propia saúde.

Clica aquí para obter máis información.

Creando co refugallo recollido na praia. "O mar vence ao plástico"

    A obra de arte “O mar vence ao plástico” foi elaborada polo alumnado de 4º, 5º e 6º cursos do CEIP Plurilingüe de Outes. A idea, deseño, pintura e execución foi enteiramente levada a cabo polo alumnado, guiados polo mestre de Plástica do centro
    Os materiais utilizados para a realización da obra proceden dunha actividade de limpeza de praias, realizada polo alumnado de Infantil do centro na praia de Broña. Hai preparadas outras saídas de limpeza para outros niveis do centro e pensamos seguir usando o refugallo para crear arte.
   As técnicas utilizadas foron a pintura con acrílicos e témpera, o pegado de elementos con pistola de silicona quente, o atado…
   Os materiais utilizados para a base da obra foron un palet reciclado e dúas pranchas de poliestireno pintadas. O mar realizouse en papel maché, reutilizado tamén de papel usado na aula de plástica. A serea está composta de elementos naturais, por oposición ao monstro de plástico, tales como madeira, cunchas, piñas, palla e corda. O monstro está feito enteiramente de plástico sacado da praia. (tubo de goma, garrafa plástica, un tambor de plástico, redes, botellas, palliñas…)

+